ვლაჰოვიჩმა შესაძლოა იუვენტუსი უახლოეს დღეებში დატოვოს

ცნობილი იტალიელი ჟურნალისტის და იუვენტუსის ინსაიდერის ჯოვანი ალბანეზეს ინფორმაციით, დუშან ვლაჰოვიჩმა შესაძლოა ტურინული გრანდი მიმდინარე სატრანსფერო ფანჯრის პერიოდში დატოვოს.

წყაროს ცნობით, სერბი ფორვარდი ნაპოლისთან მატჩს სათადარიგოთა სკამზე დაიწყებს და მის ნაცვლად ძირითადში კოლო მუანი იქნება, რაც იმის კიდევ ერთი მანიშნებელია, რომ ვლაჰოვიჩი ტიაგო მოტას გეგმებში აღარ შედის.

ალბანეზეს ცნობით, ვლაჰოვიჩს მსურველები მრავლად ჰყავს და თუ რომელიმე დაინტერესებული გუნდი მის სანაცვლოდ 40-45 მილიონს გადაიხდის, იუვე სერბის გაყიდვის წინააღმდეგი არ იქნება.