ვლაჰოვიჩის აგენტმა ახალი გუნდის ძიება უკვე დაიწყო
ესპანური გამოცემა Todofichajes-ის ინფორმაციით, იუვენტუსის ფორვარდის დუშან ვლაჰოვიჩის აგენტმა კლიენტისთვის ახალი კონტრაქტის ძებნა უკვე დაიწყო.
სერბი ფეხბურთელის მიმდინარე კონტრაქტი იუვენტუსთან 2026 წლის ზაფხულში იწურება და დიდი ალბათობით ის გუნდს სეზონის ბოლოს დატოვებს.
წყაროს ცნობით, ვლაჰოვიჩის აგენტმა ფეხბურთელის სამსახური ბარსელონას შესთავაზა. ბლაუგრანას გარდა, დუშანის მიმართ ინტერესს არსენალი, ჩელსი და სხვა გუნდები იჩენენ.
