ვიერი:“ შესანიშნავი მატჩი, იუვე ქულით კმაყოფილი უნდა იყოს“

ბობო ვიერიმ ინტერი – იუვენტუსის მატჩი შეაფასა.

„ეს ძალიან კარგი, სანახაობრივი და მაღალი დონის მატჩი გამოვიდა. ფეხბურთის წესი ასეთია, როდესაც შეცდომებს უშვებ, შენ გოლს აუცილებლად გაუშვებ. ინტერს 4-2-ზე თამაშის მოკვლა შეეძლო, თუმცა რამდენიმე ძალიან კარგი მომენტი ვერ გამოიყენა, იუვეს მესამე გოლზე რეაგირება არ ჰქონია, 4-4-ზე კი საერთოდ გაჩერდა.

„ვფიქრობ, ინტერი იმედგაცრუებული უნდა იყოს, რადგან მეორე ნახევარში საერთო ჯამში უკეთესი იყო, თუმცა იუვემ მომენტები კარგად გამოიყენა და მნიშვნელოვანი ქულა მოიპოვა.“