ტუდორი:“ რომასთან მატჩი მნიშვნელოვანია, მაგრამ არა გადამწყვეტი“
იუვენტუსის მთავარმა მწვრთნელმა იგორ ტუდორმა რომასთან მატჩის წინ პრეს-კონფერენცია გამართა.
„ჩვენ კარგად ვიმუშავეთ, გუნდთან ერთად სამუშაოდ სრული კვირა პირველად მომეცა და კმაყოფილი ვარ. ჩვენ ვიმუშავეთ როგორც დაცვის, ასევე შეტევის გაძლიერებაზე, ასევე სტანდარტულებზე და სხვა დეტალებზე. გუნდი ძალიან მოტივირებულია და მე ეს მახარებს.
„არის თუ არა ხვალინდელი მატჩი გადამწყვეტი ? ეს მნიშვნელოვანი შეხვედრაა, მაგრამ არა გადამწყვეტი. რომა შესანიშნავ ფორმაშია, თუმცა ჩვენ ამ მატჩისთვის მზად ვართ და გვინდა, სასურველი შედეგისთვის ბოლომდე ვიბრძოლოთ.
„ლუისი და კამბიაზო ? ისინი გუნდის განაცხადში იქნებიან, თუმცა მატჩს სათადარიგოთა სკამიდან დაიწყებენ.
„კოპმეინერსი ? ჩვენ ბევრი ვისაუბრეთ, ის მუშაობას აგრძელებს და გუნდის დასახმარებლად მზად არის. ფეხბურთში კარგი და ცუდი პერიოდები სრულიად ნორმალურია, მაგრამ ძლიერი ფეხბურთელები გამოსავალს ყოველთვის პოულობენ. ვფიქრობ, ტეუნი არის ფეხბურთელი, რომელიც სეზონის ბოლომდე გუნდს ძალიან დიდ დახმარებას გაუწევს.
„საბოლოო მიზანი ? ვფიქრობ, ჩვენ ახლა მხოლოდ მომდევნო მატჩზე უნდა ვიფიქროთ და საბოლოო შედეგი დავივიწყოთ. იუვენტუსის დონის გუნდი ნებისმიერ შეხვედრაში გამარჯვებისთვის უნდა იბრძოდეს. შესაძლოა სასურველი შედეგი ვერ მოიპოვო, მაგრამ მოედანზე ყოველთვის 100 პროცენტით უნდა დაიხარჯო.
„ილდისი ? ის ძალიან მოტირივრებულია. იმისთვის, რომ გახდე ჩემპიონი, შენ გჭირდება სტაბილურობა, ამისთვის კი მენტალური სიძლიერეა საჭირო. კენანი ძალიან სერიოზული, შრომისმოყვარე ბიჭია, მან მუშაობა უნდა გააგრძელოს, რადგან ჩემპიონები კმაყოფილები არასოდეს არიან.
„აჯიჩი ? მან რამდენჯმე ვარჯიში ჩვენთან ერთად ჩაატარა და ძალიან კარგი შთაბეჭდილება დატოვა.“
