საკი:“ იუვენტუსი სწორ გზაზეა, მოტა გუნდს გამარჯვებამდე აუცილებლად მიიყვანს“
ლეგენდარულმა იტალიელმა სპეციალისტმა არიგო საკიმ ნაპოლისთან მატჩი შეაფასა.
„იუვენტუსმა ნაპოლისთან მატჩში ძალიან კარგი პირველი ნახევარი ჩაატარა, შექმნა მომენტები და საერთო ჯამში მეტოქეს აჯობა, მეორე ტაიმში კი ნაპოლი გაცილებით უკეთესი იყო და საერთო ჯამში გამარჯვება დაიმსახურა.
„მე ტიაგო მოტას კარგად ვიცნობ და მას დიდ პატივს ვცემ, მან მოტივაცია არ უნდა დაკარგოს, რადგან ვფიქრობ, რომ ის სწორ გზაზე დგას. მოტა თავის გუნდს ბურთს ფლობას, თანამედროვე, უფრო აგრესიულ ფეხბურთს ასწავლის, ეს გარკვეულ დროს მოითხოვს, მაგრამ დარწმუნბული ვარ, ტიაგო იუვენტუსს გამარჯვებამდე აუცილებლად მიიყვანს.
„ასეთ რთულ მომენტებში მწვრთნელს ქომაგებისა და გუნდის გვერდში დგომა სჭირდება და იმედი მაქვს, მოტა საჭირო ნდობას მიიღებს.“
