ოსიმენი იუვენტუსში გადასვლას ჩემპიონთა ლიგის გარეშეც დათანხმდება
იტალიურ მედიაში ვიქტორ ოსიმენის იუვენტუსში შესაძლო ტრანსფერის თაობაზე ცნობები არ წყდება.
SportItalia-ს ინფორმაციით, ნიგერიელ ფორვარდს კარიერის იუვენტუსში გაგრძელება აქვს გადაწყვეტილი, რაც დიდწილად კრისტიანო ჯუნტოლის დამსახურებაა და ამ მომენტისთვის სხვა გუნდებთან მოლაპარაკებებზე უარს ამბობს.
წყაროს ცნობით, ოსიმენი იუვენტუსში ტრანსფერზე უარს არც იმ შემთხვევაში იტყვის, თუ გუნდი ჩემპიონთა ლიგაზე ვერ გავიდა.
