მოტას იუვენტუსის სრული ნდობა და მხარდაჭერა აქვს

ტიაგო მოტას იუვენტუსში არც თუ ისე კარგი სტარტი გამოუვიდა. ახალგაზრდა იტალიელი სპეციალისტის თაოსნობით ტურინულმა გრანდმა 26 მატჩში 11 გამარჯვება მოიპოვა, 13-ჯერ ფრე ითამაშა და 2-ჯერ დამარცხდა.

არასტაბილური შედეგებისა და ხშირად უსახური თამაშის გამო, იტალიურ მედიაში ტიაგო მოტას კრიტიკა აქტიურად ისმის, თუმცა Gazzetta dello Sport-ის ცნობით, მოტა იუვენტუსის ხელმძღვანელობის სრული ნდობით სარგებლობს.

წყაროს ცნობით, მოტას გუნდიდან გაშვება ამ მომენტისთვის არც კი განიხილება და მას როგორც ჯუნტოლის, ასევე ჯონ ელკანის სრული მხარდაჭერა აქვს.