მოტა:“ კოპმეინერსი, გონსალესი და ლუისი მზად არიან, დანილოს ტრანსფერი ?
იუვენტუსის მთავარმა მწვრთნელმა ტიაგო მოტამ ფიორენტინასთან მატჩის წინ პრეს-კონფერენცია გამართა.
„წინ რთული მატჩი გველოდება, ფიორენტინას შესანიშნავი სეზონი აქვს და ჩვენ მოედანზე მაქსიმალურად მოტივირებულები და კონცენტრირებულები უნდა გავიდეთ.
„ფიორენტინას ძალიან კარგი მწვრთნელი და ფეხბურთელები ჰყავს, მათ კარგად იციან, თუ როგორ უნდა შეგვიქმნან პრობლემები, შეუძლიათ კონტრ-შეტევებზე თამაში, ამიტომ ბალანსი უნდა შევინარჩუნოთ და ბურთს მაქსიმალურად გავუფრთხილდეთ.
„ტრავმირებულები ? ლუისი, ნიკო, დანილო და კოპმეინერსი მზად არიან. რუჰი, ვეა და მილიკი ვერ ითამაშებენ.
„დანილოს სიტუაცია ? ახლა თითოეული ჩვენგანი, მათ შორის დანილო ფიორენტინასთან მატჩზე ვფიქრობთ. ჩვენ ტრანსფერებზე გადაწყვეტილებებს შესაბამის დროს მივიღებთ.
„ჩვენი მიზანი 2025 წელს ? ჩვენი ერთადერთი საფიქრალი ახლა ხვალინდელი მატჩია, ამ მომენტისთვის მხოლოდ ამას აქვს მნიშვნელობა.
„როგორ უნდა მოვუმატოთ შეტევაში ? ვფიქრობ, რომ ჩვენ არა მხოლოდ შეტევაში, არამედ მოედნის ნებისმიერ წერტილში უკეთ თამაში გვმართებს. ჩვენ ბალანსი უნდა შევინარჩუნოთ და მომენტები მაქსიმალურად კარგად გამოვიყენოთ.
„ვლაჰოვიჩი ? ის ძალიან მოტოვირებულია და ბევრს მუშაობს. თუ დუშანმა ასეთი განწყობა შეინარჩუნა, ის უფრო სტაბილური გახდება, რაც ძალიან მნიშვნელოვანია.
„ლუისი ? მე მისი შესაძლებლობების მჯერა და იმედი მაქვს. ჯერჯერობით ლუისი საუკეთესო ფიზიკურ ფორმაში არ არის, თუმცა მას მოედანზე ყველაფერი შეუძლია, ის სრულყოფილი ნახევარმცველია.
„სატრანსფერო ფანჯარა ? როგორც უკვე ვთქვი, ახლა ჩვენი პრიორიტეტი ხვალინდელი მატჩია, ხოლო სხვა საკითხებზე ამის შემდეგ ვიმსჯელებთ.
„იერარქია ჯარიმების დროს ? კოპმეინერსი პირველია, ის ვარჯიშებზე ჯარიმებიდან ხშირად იტანს, ტეუნის გარდა კი ჯარიმების შესრულება ვლაჰოვიჩსა და ლუისსაც შესანიშნავად შეუძლიათ.“
