მანჩინი 2022 წელს:“ მე ბავშვობიდან იუვენტუსის ქომაგი ვარ…“

ბოლო დღეებში იტალიურ მედიაში აქტიურად იწერება, რომ იუვენტუსში ტიაგო მოტას პრიორიტეტულ შემცვლელად რობერტო მანჩნი მოიაზრება.

მანჩინი მოქმედი მწვრთნელებიდან ერთ-ერთი ყველაზე გამოცდილი და ტიტულოვანი სპეციალისტია, ამ ყველაფერს კი ისიც ემატება, რომ ის იუვენტუსის ქომაგი გახლავთ.

ამ თემაზე მანჩინიმ 2022 წელს ისაუბრა:

„მე ბავშვობიდან იუვენტუსის ქომაგი ვარ, ეს მამაჩემის დანატოვარია. ჩემი კუმირი რობერტო ბეტეგა გახლდათ.

„იუვე ? იუვენტუსი ისტორიული გუნდია, მსოფლიოში ერთ-ერთი გამორჩეული, გუნდს გამარჯვების მენტალიტეტი და DNA აქვს, იქ მუშაობა ყველასთვის დიდი პატივი და გამოწვევაა.“