ლუისის აგენტი იუვენტუსს უახლოეს დღეებში შეხვდება

დუგლას ლუისის აგენტსა და იუვენტუსის ხელმძღვანელობას შორის შეხვედრა უახლოეს დღეებში გაიმართება.

ბრაზილიელმა ფეხბურთელმა დღეს გუნდთან ერთად ვარჯიში განაახლა, თუმცა მისი იუვენტუსდან წასვლა უკვე გადაწყვეტილია.

Gazzetta dello Sport-ის ცნობით, ლუისის მიმართ ინტერესს რამდენიმე ინგლისური და არაბული გუნდები, ასევე ფენერბაჰჩე იჩენენ, ბრაზილიელის პრიორიტეტი პრემიერ ლიგაში დაბრუნებაა.

იუვენტუსს კაპიტალის დაკარგვის თავიდან ასარიდებლად ლუისის მინიმუმ 39 მილიონ ევროდ გაყიდვა მოუწევს.

გამოგვყევი Telegram-ზე https://t.me/TuttoJuveGe (დააკლიკე აქ)
გამოგვყევი X (დააკლიკე აქ)