იუვენტუსიდან ლოკატელის წასვლა გამორიცხული არ არის

იტალიელი ჟურნალისტის ჯოვანი ალბანეზეს ინფორმაციით, ზაფხულის სატრანსფერო ფანჯრის პერიოდში მანუელ ლოკატელიმ შესაძლოა იუვენტუსის რიგები დატოვოს.

ლოკატელიმ გასულ სეზონში თავი საუკეთესო კუთხით ვერ წარმოაჩინა და ნაკრებში ადგილი დაკარგა, წყაროს ცნობით კი იტალიელ ნახევარმცველს ტიაგო მოტა და კრისტიანო ჯუნტოლი ხელშეუხებელ ფეხბურთელად არ მოიაზრებენ.

ალბანეზეს ცნობით, თუ რომელიმე დაინტერესებული მხარე ლოკატელის სანაცვლოდ შესაბამის წინადადებას წარადგენს, 26 წლის ფეხბურთელი იუვენტუსის რიგებს დატოვებს.