ლოკატელი:“ მატჩის სცენარიდან გამომდინარე, სან სიროზე ქულა პოზიტიური შედეგია“

იუვენტუსის ნახევარმცველმა მანუელ ლოკატელიმ ინტერთან მატჩი შეაფასა.

„ეს დიდებული მატჩი იყო, რომელსაც ბევრი ემოცია ახლდა თან. ჩვენ დღეს ძლიერი ხასიათი და გუნდური სულისკვეთება ვაჩვენეთ, ეს უნდა იყოს საწყისი წერტილი. ჩვენ შეცდომებს აუცილებლად გავაანალიზებთ, მაგრამ გუნდი მოედანზე შესაბამისი მოტივაციითა და ბრძოლის სურვილით გავიდა, რაც დავამტკიცეთ კიდეც.

„იყო მომენტები, როდესაც მეტოქე უკეთესი იყო და მათ 4-2-ზე სხვაობის გაზრდა კიდევ უფრო შეეძლოთ. მატჩის სცენარის გათვალისწინებით, სან სიროზე მოპოვებული ქულა პოზიტიური შედეგია. იმედი მაქვს, ქომაგებმა ამ შესანიშნავი მატჩის ყურებით სიამოვნება მიიღეს.

„გვაძლევს თუ არა დღევანდელი მატჩი სკუდეტოსთვის ბრძოლის იმედს ? დღეს ჩვენ ძალიან ძლიერი გუნდის წინააღმდეგ ტოლ-სწორად ვითამაშეთ. ჩვენ ძალიან ახალგაზრდული გუნდი გვყავს და ახლა მთავარი საზრუნავი მუშაობის გაგრძელება და განვითარებაა.

„ინტერი ძალიან ძლიერია, ისინი უკვე დიდი ხანია ერთად თამაშობენ, ჩვენ კი გზის დასაწყისში ვართ და გაცილებით მეტი შეგვიძლია.

„რა შეიცვალა მოტასთან ერთად ? მე შედარებების გაკეთება არ მიყვარს, თუმცა მოტასთან ერთად ჩვენ ბურთის მეტად გაკონტროლებას ვცდილობთ. ეს არის ახალი იდეა, რომელსაც ნელ-ნელა ვითვისებთ.

„დი გრეგორიო ? მე ის ახლახანს გავიცანი, თუმცა მან გუნდს თავი უკვე შეაყვარა. ის იუვენტუსის მომავალია. გაგვიმართლა, რომ 3 ასეთი დონის კიპერი გვყავს.“