კოპმეიენრსი იუვენტუსს უახლოვდება

Corriere dello Sport-ის ინფორმაციით, ტეუნ კოპმეინერსის საგა, რომელიც უკვე რამდენიმე კვირაა გრძელდება, ლოგიკურ დასასრულს უახლოვდება.

წყაროს ცნობით, ლა დეას პოზიცია ნიდერლანდელი ფეხბურთელის თაობაზე ისეთი კატეგორიული აღარ არის და ბიანკონერი დიდი ალბათობით მის გაფორმებას უახლოეს პერიოდში შეძლებს.

გამოცემის ინფორმაციით, ბერგამოელებს გუნდის ერთ-ერთი წამყვანი ფეხბურთელის გაყიდვა არ სურდათ, თუმცა გადამწყვეტი როლი თავად კოპმეიენრსის პოზიციამ ითამაშა, ვისაც კარიერის იუვენტუსში გაგრძელება სურს.