კონსეისაუ:“ ხვალინდელ მატჩში ჩვენი მიზანი მხოლოდ გამარჯვებაა“
ტიაგო მოტას შემდეგ, ბენფიკასთან მატჩის წინ პრეს-კონფერენციაზე ფრანცისკუ კონსეისაუმ ისაუბრა.
„ჩვენ წინ რთული შეხვედრა გველოდება გუნდის წინააღმდეგ, რომელსაც ძალიან კარგი ფეხბურთელები ჰყავს. მათ ბურთის გაკონტროლება და მომენტების შექმნა კარგად გამოსდით, თუმცა ჩვენ ამის საშუალება არ უნდა მივცეთ.
„მარცხი ნაპოლისთან ? ჩვენ იუვენტუსი ვართ და რა თქმა უნდა, მარცხი ყოველთვის მიუღებელია. ჩვენ დაუღალავად შრომას ვაგრძელებთ და გვინდა, ჩვენს ქომაგებს კარგი საღამო ვაჩუქოთ.
„ვეიგა ? როდესაც გავიგე, რომ ჩვენ მისი გაფორმება შეგვეძლო, მე მას დავურეკე და ვუთხარი, რომ ასეთი დიდი გუნდის რიგებში თამაშის შანსს ხელიდან ვერ გაუშვებდა. მე მჯერა, რომ ის ძალიან დაგვეხმარება.
„ფავორიტი ? ხვალ ერთმანეთს დაუპირისპირდებიან გუნდები, რომელთა მიზანი მხოლოდ გამარჯვებაა. წინასწარ შედეგებზე საუბარი უადგილოა, ჩვენ სასურველი შედეგის მოსაპოვებლად ყველაფერს გავაკეთებთ.
„რა ვისწავლე ნაპოლიში მარცხით ? ნეგატიური შედეგების გარეშე სეზონის ჩამთავრება ფაქტობრივად შეუძლებელია, თითოეული სირთულე და წინაღობა ჩვენ უფრო ძლიერს გვხდის. ჩვენ კარგი პირველი ტაიმი გვქონდა, მაგრამ ვიცით, რომ საბოლოო ჯამში მნიშვნელობა მხოლოდ მოპოვებულ ქულებს აქვს.“
