კონდო:“ იუვენტუსმა დღეს მნიშვნელოვანი ნაბიჯი გადადგა წინ“

ცნობილმა იტალიელმა ჟურნალისტმა პაოლო კონდომ უდინეზესთან იუვენტუსის მატჩი შეაფასა.

„დღეს იუვენტუსმა მნიშვნელოვანი ნაბიჯი გადადგა წინ. უდინეზეს წინააღმდეგ გასვლაზე თამაში მარტივი არავისთვის არის, თუმცა ტიაგო მოტას გუნდმა სრულიად დამსახურებული გამარჯვება მოიპოვა.

„იუვენტუსი გასულ მატჩებში ბურთს უაზროდ აკონტროლებდა და მომენტების შექმნა უჭირდა, დღეს კი გუნდი სახიფათო იყო, მეტი გოლის გატანა შეეძლო და მეტოქეს შეტევაში ფაქტობრივად არაფრის გაკეთების საშუალება არ მისცა.

„გასულ დღეებში იუვეს მიმართ ბევრი კრიტიკა მოვისმინეთ, მაგრამ ტრავმების ფონზე, გუნდს საკმაოდ კარგი სტარტი აქვს.“