კომო კიეზას გაფორმებას ცდილობს
იტალიური მედიის ინფორმაციით, სესკ ფაბრეგასის კომო ფედერიკო კიეზას გაფორმებას ცდილობს.
კიეზას კარიერა პრემიერ ლიგაში არც თუ ისე პოზიტიურად ვითარდება და დიდი ალბათობით ის გუნდს ზამთრის სატრანსფერო ფანჯრის პერიოდში დატოვებს.
იტალიელი ვინგერის სახელი გასულ კვირებში მილანსა და ნაპოლისაც დაუკავშირეს, Tuttomercato-ს ინფორმაციით კი ბოლო დღეებში ფეხბურთელის აგენტთან მოლაპარაკებები კომომ დაიწყო და კიეზას დარწმუნებას ცდილობს, ვინც თავის მხრივ სერია ა-ში დაბრუნებას სერიოზულად განიხილავს.
