კოლო მუანი ზირკზეეს მთავარი ალტერნატივაა

ცნობილმა იტალიელმა ჟურნალისტმა ფაბრიციო რომანომ იუვენტუსის მხრიდან კოლო მუანის მიმართ არსებული ინტერესი დაადასტურა.

წყაროს ცნობით, ტურინული გრანდის პრიორიტეტი ამ მომენტისთვის მანჩესტერის ფორვარდი ჯოშუა ზირკზეეა, თუმცა თუ წითელ ეშმაკებთან საერთო ენის გამონახვა ვერ მოხერხდა, ბიანკონერი პსჟ-ს შემტევის ტრანსფერზე გადაერთვება.

პარიზული გუნდი ფრანგი ფორვარდის სანაცვლოდ დაახლოებით 40-45 მილიონ ევროს ითხოვს.