კოლო მუანი ტურინში ჩაფრინდა

რანდალ კოლო მუანი რამდენიმე წუთის წინ ტურინში ჩაფრინდა. ის უახლოეს საათებში J Medical-ში სამედიცინო შემოწმების პირველ ეტაპს გაივლის, მეორე ეტაპი ხვალისთვის არის ჩანიშნული, რის შემდეგაც ფრანგი ფეხბურთელი იუვენტუსის რიგებს ოფიციალურად შეუერთდება.

26 წლის შემტევი ტურინულ გრანდს 6-თვიანი იჯარით შეუერთდება, მისი გამოსყიდვის უფლების გარეშე, თუმცა თუ ბიანკონერი ფეხბურთელის თამაშით კმაყოფილი დარჩა, გუნდებს შორის მისი გამოსასყიდი თანხის თაობაზე მოლაპარაკებები დაიწყება.

მოსალოდნელია, რომ კოლო მუანი მილანთან მატჩში იუვენტუსის განაცხადში იქნება.