კიეზას მიმართ ინტერესს ბაიერნიც იჩენს

ფედერიკო კიეზას მსურველთა სიას მიუნხენის ბაიერნიც შეუერთდა, რომელიც იტალიელის სიტუაციას ყურადღებით აკვირდება და დიდია ალბათობა, მომდევნო კვირებში ფეხბურთელის ტრანსფერზე მუშაობა დაიწყოს.

Sky Sport Deutschland-ის ცნობით, შეტევის გასაძლიერებლად კიეზა რეკორდმაისტერების ერთ-ერთი მთავარი სატრანსფერო სამიზნე გახლავთ.

იუვენტუსსა და ფედერიკო კიეზას აგენტს შორის გადამწყვეტი შეხვედრა ევროპის ჩემპიონატის შემდეგ შედგება, რომელზეც საბოლოოდ გადაწყდება, გაახანგრძლივებს ის კონტრაქტს, თუ გუნდს ზაფხულის სატრანსფერო ფანჯრის პერიოდში დატოვებს.