კაპელო:“ ვლაჰოვიჩი მილანთან მატჩში გადამწყვეტ როლს ითამაშებს, იუვეს ძლიერი განაცხადის გაკეთება შეუძლია“
ლეგენდარულმა იტალიელმა სპეციალისტმა ფაბიო კაპელომ მილანი – იუვენტუსის მოახლოებულ მატჩზე ისაუბრა.
„დუშანს შექმნილი სივრცეების გამოყენება ძალიან კარგად გამოსდის, ის თავისი მოძრაობით ხშირად ტრეზეგეს მაგონებს. ვლაჰოვიჩმა გუნდურ თამაშში უნდა მოუმატოს, თუმცა მას პოზიციის შერჩევა და სივრცეების გამოყენება კარგად შეუძლია.
„თუ ფონსეკა იუვენტუსის წინააღმდეგ მაღალ ხაზს გამოიყენებს და თამაშგარის მახის შექმნას ეცდება, ვლაჰოვიჩი ამ მატჩში გადამწყვეტ როლს ითამაშებს.
„რომელი გუნდისთვის უფრო მნიშვნელოვანია ეს მატჩი ? მილანისთვის, რადგან იუვენტუსთან მარცხი გუნდს სკუდეტოსთვის ბრძოლას საბოლოოდ ჩამოაშორებს, იუვენტუსი კი ჯერ კიდევ დაუმარცხებელია და სან სიროზე გამარჯვება მნიშვნელოვანი განაცხადი იქნება.
„ორივე გუნდი შენების პროცესშია, თუმცა მილანი ჯერჯერობით უფრო არასტაბილური გუნდის შთაბეჭდილებას ტოვებს. მათ ბერნაბეუზე რეალი დაამარცხეს, შემდეგ კი კალიარისთან ცუდი შთაბეჭდილება დატოვეს. იუვენტუსი დაცვაში ძალიან ორგანიზებულია, ბოლო პერიოდში კი შეტევაშიც მოუმატა და თამაშიდან თამაშამდე უკეთეს შთაბეჭდილებას ტოვებს.
„რომელ ფეხბურთელებს გამოვყოფდი ? რეინდერსი და კოპმეინერსი, არა იმიტომ, რომ ისინი ნიდერლანდელები არიან, ისინი თავიანთი საქმის პროფესიონალები არიან და მოედნის ორივე მხარეს თამაში შესანიშნავად გამოსდით.
„პულისიკი თუ ილდისი ? პულისიკი ამ მომენტში უკეთესია, თუმცა ილდისს წარმოუდგენელი ტალანტი აქვს და მომავალი მისია.
„იუვენტუსის კრიზისი ტრავმების მხრივ ? მათ იანვარში აქტიურობა მოუწევთ, შკრინიარის გაფორმება გუნდს გარკვეულ გარანტიებს აძლევს, მას სერია ა-ს გრანდში თამაშის გამოცდილება აქვს.“
