კაპელო:“ იუვენტუსი სულ სხვა მენტალიტეტითა და მოტივაციით თამაშობს“
ლეგენდარულმა იტალიელმა სპეციალისტმა ფაბიო კაპელომ ინტერი – იუვეს მატჩი შეაფასა და სხვა საინტერესო თემებზე ისაუბრა.
„ინტერი – იუვენტუსი ? ინძაგიმ თავისი ბიჭები უნდა გამოაფხიზლოს. ასეთ მნიშვნელოვან მატჩში 2-ბურთიანი უპირატესობის განიავება დაუშვებელია. გასულ სეზონთან შედარებით, გუნდს ყველა ბურთზე ბრძოლის სურვილი აღარ ეტყობა, ეს კი ინტერის ერთ-ერთი მთავარი იარაღია.
„იუვენტუსს რაც შეეხება, მათ ძლიერი ხასიათი გამოავლინეს. ნუ დაგავიწყდებათ, იუვენტუსში ძალიან ბევრი ცვლილება მოხდა და ტიაგო მოტას თავისი იდეების სრულად განხორციელებისთვის დრო უნდა მივცეთ, თუმცა ფაქტია, რომ იუვენტუსი გასულ წლებთან შედარებით სხვა მენტალიტეტითა და მოტივაციით თამაშობს.
„მოტამ ინტერთან მატჩი კარგად წაიკითხა და შესაბამისი ცვლილებებიც გააკეთა, თუმცა აშარაა, რომ ბრემერის ტრავმა გუნდს დაეტყო.
„რჩევები იუვეს ? ვფიქრობ, იუვენტუსმა ბურთის უსარგებლო ფლობას უნდა მოუკლოს, გუნდმა კონსეისაუსა და ილდისის ერთი-ერთზე შესანიშნავად თამაშის შესაძლებლობა მეტად უნდა გამოიყენოს.“
