კალულუს იუვენტუსში ტრანსფერი დღეს დაიხურება

ჯანლუკა დი მარციოს ინფორმაციით, იუვენტუსი და მილანი პიერ კალულუს ტრანსფერის დეტალებზე შეთანხმდნენ.

წყაროს ცნობით, ბიანკონერი ფეხბურთელის 1-წლიანი იჯარის სანაცვლოდ 3.5 მილიონ ევროს გადაიხდის, მისი შემდგომში 14 მილიონ ევროდ გამოსყიდვის პერსპექტივით, რასაც ბონუსების სახით კიდევ 3 მილიონი, მომავალში მისი გაყიდვის შემთხვევაში კი სრული თანხის 10 პროცენტი დაემატება.

კალულუს აგენტს ტურინში დღეს ელოდებიან, მხარეები პირადი კონტრაქტის დეტალების შეთანხმებას გეგმავენ, რის შემდეგაც 24 წლის ფრანგი ტურინული გრანდის რიგებს შეუერთდება.