კაბალს ოპერაცია წარმატებით ჩაუტარდა

როგორც დაანონსებული იყო, იუვენტუსის უკანახაზელს ხუან კაბალს ლიონში ჩანიშნული ოპერაცია ჩაუტარდა.

რომეო აგრესტის ინფორმაციით, ოპერაციამ წარმატებით ჩაიარა, ფეხბურთელი უახლოეს დღეებში ტურინში დაბრუნდება, რის შემდეგაც სარეაბილიტაციო პროცესს დაიწყებს.

კაბალი დიდი ალბათობით მიმდინარე სეზონში ვერ ითამაშებს, თუმცა არის შანსი, რომ ის საკლუბო მუნდიალისთვის ტიაგო მოტას განკარგულებაში იყოს.