ჯუნტოლი:“ ჩვენი მიზანი ჩემპიონთა ლიგაზე გასვლა და ზაფხულში შემადგენლობის გაძლიერებაა“
იუვენტუსის დირექტორმა კრისტიანო ჯუნტოლიმ საინტერესო თემებზე ისაუბრა.
„მომავლის იუვენტუსის აშენება ? დიახ, ჩვენ ეს პროცესი უკვე დავიწყეთ და ნაბიჯ-ნაბიჯ მიზნისკენ მივიწევთ. ბოლო 2 წელიწადში გუნდი საგრძნობლად შეიცვალა, იუვენტუსს ახლა გაცილებით ახალგაზრდული და პერსპექტიული შემადგენლობა ჰყავს, ახლა კი ჩვენი მიზანი ჩემპიონთა ლიგაზე გასვლა და ზაფხულშ კიდევ უფრო გაძლიერებაა.
„ტუდორი ? მან გუნდს თავისი ხელი პირველივე დღეს დაატყო. მე ტუდორი რკინის სერჟანტი მეგონა, თუმცა ის ძალიან ფრთხილი, გაწონასწორებული, ჭკვიანი აღმოჩნდა, ტუდორის მენტალიტეტი ძალიან მნიშვნელოვანი ფაქტორია.
„კოპმეიენრსი ? სამწუხაროდ, მას ტრავმების გამო ბევრი გაუცდა. ტეუნს თავისი შესაძლებლობების დამტკიცება მოუწევს, თუმცა მე მის ხარისხში ეჭვი არასოდეს შემპარვია და ვიცი, ის იუვენტუსის ერთ-ერთი ლიდერი იქნება.
„გუშინდელი გამარჯვება ? ჩვენ ამის გამო ბედნიერები ვართ, მაგრამ ახლა მომდევნო და უმნიშვნელოვანეს მატჩზე უნდა ვიფიქროთ. გუნდი ძალიან მოტივირებულია, ჩვენ ჩემპიონთა ლიგის საგზურის მოპოვება გვინდა და გვსურს, მომდევნო სეზონში უმაღლესი მიზნებისთვის ვიბრძოლოთ.“
