Jeep-ი იუვენტუსის სპონსორად ბრუნდება

Gazzetta dello Sport-ის ინფორმაციით, Jeep-ი იუვენტუსის მაისურის მთავარ სპონსორად დაბრუნებასთან ახლოს არის.

წყაროს ცნობით, მხარეები კონტრაქტის ბოლო დეტალებს ათანხმებენ, რის შემდეგაც ამერიკული ბრენდის ლოგო ტურინული გრანდის მაისურზე დაბრუნდება.

იუვენტუსი პარალელურად მაისურის მეორე მთავარი სპონსორის ძიებაშია, რაც გუნდის შემოსავლებს კიდევ უფრო გაზრდის.