იუვენტუსსა და გასპერინის შორის ბოლო საათებში მოლაპარაკებები გაიმართა

ტურინულმა გამოცემა Tuttosport-მა ჯან პიერო გასპერინის მიმართ იუვენტუსის ინტერესი დაადასტურა.

წყაროს ცნობით, რომა გასპერინის გაფორმებასთან ახლოს იყო, თუმცა მას შემდეგ, რაც ანტონიო კონტემ ნაპოლიში დარჩენა გადაწყვიტა, ჯან პიერომ რამდენიმე დღე ითხოვა და იმედი აქვს, ის იუვენტუსში დაბრუნებას შეძლებს.

გამოცემის ინფორმაციით, ამ მომენტისთვის გადაწყვეტილი არაფერია, თუმცა დიდია ალბათობა, მომდევნო სეზონიდან გუნდი სწორედ გასპერინიმ ჩაიბაროს.