იუვენტუსსა და ემპოლის შორის გოგლიჩიძეს თაობაზე მოლაპარაკებები დაიწყო
გავლენიანი იტალიური გამოცემა Gazzetta dello Sport-ის ინფორმაციით, იუვენტუსის ინტერესი ემპოლის ქართველი ტალანტის საბა გოგლიჩიძეს მიმართ სერიოზულია.
წყაროს ცნობით, გუნდებს შორის 20 წლის ფეხბურთელის ტრანსფერის თაობაზე მოლაპარაკებები უკვე დაწყებულია.
გამოცემის ინფორმაციით, მხარეები ტრანსფერის ფორმულასა და ეკონომიკურ ასპექტებზე შეთანხმებას ცდილობენ. არის ალბათობა, რომ იუვენტუსმა საბა უახლოეს დღეებში გაიფორმოს, თუმცა იჯარის წესით სეზონის ბოლომდე ემპოლიში დატოვოს.
