იუვე მომდევნო მატჩებს სრული ანშლაგის ფონზე გამართავს

იუვენტუსის მატჩებმა პირველ 3 ტურში როგორც სახლში, ასევე გასვლაზე სრული ანშლაგით ჩაიარა და ამ მხრივ არც მომდევნო შეხვედრებში შეიცვლება რამე.

ემპოლისთან ხვალინდელი შეხვედრის ყველა ბილეთი კარლო კასტელანის სტადიონზე უკვე გაყიდულია და ბიანკონერი ტოსკანაში სავსე ტრიბუნების წინაშე ითამაშებს.

სრულად გაყიდულია ნაპოლისთან მოახლოებული მატჩის ბილეთებიც, რომელიც Allianz-ზე 21 სექტემბერს გაიმართება, პსვ-სთან შეხვედრისთვის კი უკვე 38,000 ბილეთია გაყიდული და ამ მატჩშიც სრული ანშლაგია მოსალოდნელი.