იუვენტუსის ინტერესი ბროიას მიმართ სერიოზულია
Tuttosport-ის ცნობით, იუვენტუსის ინტერესი ჩელსის ფორვარდის არმანდო ბროიას მიმართ სერიოზულია.
ტურინული გრანდი მოიზე კინის გაყიდვას გეგმავს და დუშან ვლაჰოვიჩის დუბლიორის ძიებაშია. იუვენტუსის მთავარი სამიზნე კვლავ ალვარო მორატაა, თუმცა კრისტიანო ჯუნტოლი პარალელურად ალტერნატიულ ვარიანტებს განიხილავს.
წყაროს ინფორმაციით, ერთ-ერთი მათგანი სწორედ ჩელსის ალბანელი ფორვარდია, რომელიც ლონდონელების გეგმებში აღარ შედის და არ არის გამორიცხული, გუნდი მის იჯარით გაშვებას დათანხმდეს, შემდგომში მისი 20 მილიონ ევროდ გამოსყიდვის პერსპექტივით.
