იუვენტუსი ტონალის გასაფორმებლად 3 ფეხბურთელის გამოყენებას ეცდება

სანდრო ტონალი კრისტიანო ჯუნტოლის პრიორიტეტულ სამიზნედ რჩება, თუმცა ფინანსური ასპექტების გამო მისი გაფორმება მარტივი არ იქნება და იუვენტუსი იტალიელი ნახევარმცველის გაფორმების სხვადასხვა ვარიანტს განიხილავს.

Gazzetta dello Sport-ის ცნობით, იუვენტუსი ტონალის ტრანსფერში რომელიმე ფეხბურთელის ჩართვას და მის სანაცვლოდ მოთხოვნილი 60-70 მილიონი ევროს შემცირებას ეცდება.

წყაროს ინფორმაციით, იუვენტუსს ტონალის ტრანსფერში დუგლას ლუისის გამოყენების იმედი აქვს, ალტერნატივებად კი ფედერიკო გატი და დუშან ვლაჰოვიჩი მოიაზრებიან.