იუვენტუსი ტოდიბოს ტრანსფერზე უფრო გააქტიურდა
La Stampa-ს ინფორმაციით, იუვენტუსსა და ნიცას შორის ჟან-კლერ ტოდიბოს ტრანსფერის თაობაზე მოლაპარაკებები გრძელდება და ბიანკონერი ფრანგის ტრანსფერის დახურვას ცდილობს.
წყაროს ცნობით, ტურინული გრანდი 24 წლის მცველის 1-წლიანი იჯარით გაფორმებას ცდილობს, მისი შემდგომში 30-35 მილიონ ევროდ გამოსყიდვის პერპსექტივით, რაც მარტივად მიღწევადი პუნქტების შესრულების შემთხვევაში სავალდებულო გახდება.
ნიცას ფულის მიღება გარანტირებულად სურს, თუმცა გუნდებს შორის არსებული კარგი ურთიერთობისა და ფეხბურთელის იუვენტუსში გადასვლის სურვილის ფონზე, მხარეებს საერთო ენის გამონახვა არ უნდა გაუჭირდეთ.
