იუვე კამბიაზოს შეცვლას ტავარეშის კანდიდატურით განიხილავს

იუვენტუსი ანდრეა კამბიაზოს პოტენციური შემცვლელების ძიებას აგრძელებს და რომაული გამოცემა Il Messaggero-ს ცნობით, კრისტიანო ჯუნტოლის ერთ-ერთი მთავარი სამიზნე ლაციოს ნუნო ტავარეშია.

24 წლის პორტუგალიელი მიმდინარე სეზონში სერია ა-ს ერთ-ერთი საუკეთესო უკანახაზელია, მის აქტივში მიმდინარე სეზონში სერია ა-ში ჩატარებულ 15 მატჩში 8 საგოლე გადაცემაა.

წყაროს ინფორმაციით, იუვენტუსს მისი გაფორმება დაახლოებით 30-35 მილიონი ევრო დაუჯდება.