იუვენტუსი ოსიმენის სიტუაციას ყურადღებით აკვირდება

იტალიური გამოცემა Gazzetta dello Sport-ის ინფორმაციით, იუვენტუსი ნაპოლის ფორვარდის ვიქტორ ოსიმენის სიტუაციას ყურადღებით აკვირდება.

ტურინული გრანდი დუშან ვლაჰოვიჩის შემცვლელის ძიებაშია და წყაროს ცნობით, კრისტიანო ჯუნტოლის ერთ-ერთი პრიორიტეტული სამიზნე სწორედ ოსიმენი გახლავთ.

ვიქტორი მიმდინარე სეზონში იჯარის წესით გალათასარაიში თამაშობს, ზაფხულში ის ნაპოლის დაუბრუნდება და გუნდს საბოლოოდ დატოვებს. იუვენტუსს მისი გაფორმება დაახლოებით 65-70 მილიონ ევროდ შეეძლება.