იუვენტუსი მუნდიალისთვის ვეიგას და კოლო მუანის შენარჩუნებას ცდილობს
იუვენტუსმა პორტოსთან შიკო კონსეისაუს თაობაზე შეთანხმებას უკვე მიაღწია და პორტუგალიელი ფეხბურთელი საკლუბო მუნდიალზე ტურინულ გრანდთან ერთად გაემგზავრება.
კონსეისაუს გარდა, ბიანკონერი კოლო მუანისა და რენატუ ვეიგას არენდების გახანგრძლივებაზეც მუშაობს და იმედი აქვს, ორივე მათგანი გუნდში კიდევ რამდენიმე კვირა დარჩება და გუნდს მუნდიალზეც დაეხმარება.
შეგახსენებთ, მსოფლიო საკლუბო ჩემპიონატი ამერიკის შეერთებულ შტატებში გაიმართება. ტურნირი სტარტს 14 ივნისს აიღებს და ფინალი 13 ივლისს გაიმართება.
