იუვენტუსი და მილანი ფეხბურთელების ბარტერს განიხილავენ

იტალიური წყაროების ცნობით, იუვენტუსი და მილანი ზამთრის სატრანსფერო ფანჯრის პერიოდში ფეხბურთელების გაცვლას განიხილავენ.

Calciomercato-ს ცნობით, ტურინული გრანდი როსონერის უკანახაზელის ფიკაიო ტომორის ტრანსფერით ინტერესდება, ლომბარდიელები კი თავის მხრივ ნახევარდაცვის გაძლიერებას გეგმავენ და ნიკოლო ფაჯოლის მიმართ იჩენენ ინტერესს.

ორივე ფეხბურთელი დაახლოებით 25 მილიონ ევროდ არის შეფასებული, ამიტომ ფულის დამატება არც ერთ გუნდს არ დასჭირდება.