ჰანცკოს იუვენტუსში გადასვლა დაუყოვნებლივ სურს

Tuttosport-ის ინფორმაციით, იუვენტუსსა და ფეიენორდს შორის დავიდ ჰანცკოს ტრანსფერზე მოლაპარაკებები გრძელდება.

წყაროს ცნობით, გუნდებს შორის ტრანსფერის დეტალები უკვე შეთანხმებულია, თუმცა ნიდერლანდელებს სურთ, რომ სლოვაკი მცველი ტურინში სეზონის ბოლოს გადაბარგდეს, იუვეს კი მისი დაუყოვნებლივ გაფორმება უნდა.

გამოცემის ცნობით, ჰანცკოს იუვენტუსში გადასვლა იანვარშივე სურს და გუნდებს შორის მოლაპარაკებების დასრულების მოლოდინშია. ანდრეა კამბიაზოს გაყიდვის შემთხვევაში, სატრანსფერო ფანჯრის მიწურულს ჰანცკოს იუვენტუსში გადასვლის შანსი საგრძნობლად გაიზრდება.