გასპერინი ზაფხულში ატალანტას ტოვებს

არაერთი გამოცემის შემდეგ, ამჯერად ნიკოლო სკირამ დაადასტურა, რომ ჯან პიერო გასპერინი სეზონის ბოლოს ატალანტას დატოვებს.

წყაროს ცნობით, იმის მიუხედავად, რომ იტალიელ სპეციალისტს ლა დეასთან კონტრაქტი 2026 წლის ზაფხულამდე აკავშირებს, მისი და ატალანტას გზები სეზონის ბოლოს გაიყოფა.

გასპერინის ერთ-ერთი პოტენციური მსურველი იუვენტუსია, იგორ ტუდორის მომავალი ტურინულ გრანდში კითხვის ნიშნის ქვეშ დგას და გასპერინი სწორედ მის ერთ-ერთ შემცვლელად მოიაზრება.