ნოტინგჰემ ფორესტი ლუისის ტრანსფერით ინტერესდება

ინგლისური ნოტინგჰემ ფორესტი იუვენტუსის ნახევარმცველის დუგლას ლუისის ტრანსფერით ინტერესდება.

ბრაზილიელ ფეხბურთელს ტურინული გრანდის რიგებში სადებიუტო სეზონი ჩაუვარდა და დიდი ალბათობით ზაფხულში იუვენტუსს დატოვებს.

ნიკოლო სკირას ცნობით, ლუისს მსურველები ინგლისში მრავლად ჰყავს, თუმცა მათ შორის ყველაზე მეტად ნოტინგჰემ ფორესტი აქტიურობს.

იუვენტუსი ფეხბურთელის გაყიდვის წინააღმდეგი არ არის და მის სანაცვლოდ 35-40 მილიონ ევროს ითხოვს.