ფიორენტინას არტურის დაბრუნება სურს

იტალიელი ჟურნალისტის დარიო პელეგრინის ინფორმაციით, ფიორენტინამ იუვენტუსთან არტურის ტრანსფერის თაობაზე მოლაპარაკებები დაიწყო.

წყაროს ცნობით, ფლორენციელებს ბრაზილიელი ფეხბურთელის დაბრუნება სურთ და არ არის გამორიცხული, ტურინულმა გრანდმა არტური ნიკო გონსალესის ტრანსფერში გამოიყენოს.

თავად არტური ფიორენტინაში დაბრუნების წინააღმდეგი არ არის და გუნდებს შორის მოლაპარაკებების დასრულების მოლოდინშია.