დორტმუნდმა იუვენტუსს ადეიემის ფასი შეუთვალა

იუვენტუსი კარიმ ადეიემის მიმართ ინტერესს არ კარგავს, თუმცა ამ მომენტისთვის 22 წლის ფეხბურთელის ხილვა ტურინული გრანდის რიგებში რთული წარმოსადგენია.

Sky Sport-ის ინფორმაციით, გერმანელმა ფეხბურთელმა იუვენტუსში ტრანსფერზე თანხმობა განაცხადა, მაგრამ პრობლემა დორტმუნდის მიერ მოთხოვნილი 45-50 მილიონი ევროა.

წყაროს ცნობით, მხარეებს შორის მოლაპარაკებები გრძელდება, თუმცა იუვენტუსი ფეხბურთელის სანაცვლოდ 35 მილიონ ევროზე მეტის გადახდას არ აპირებს.