დი გრეგორიო:“ როდესაც მეტოქეებს თამაშში დაბრუნების საშუალებას აძლევ, ეს მხოლოდ მენტალური პრობლემა არ არის“

ტიაგო მოტას შემდეგ (იხილეთ აქ), იუვენტუსის კარის დარაჯმა მიკელე დი გრეგორიომ ნაპოლისთან მატჩი შეაფასა.

„ჩვენ შედეგის გამო იმედგაცრუებულები ვართ. ამ სეზონში უკვე ბევრჯერ მოხდა, როდესაც ჩვენ წინ გავდივართ, თუმცა შემდეგ მეტოქეს თამაშში დაბრუნების საშუალებას ვაძლევთ და ქულებს ვკარგავთ, ეს მხოლოდ მენტალური პრობლემა არ არის და ჩვენ სიტუაცია კარგად უნდა გავაანალიზოთ. ჩვენ დაცვაზე ზედმეტად დიდ კონცენტრაციას ვაკეთებთ, ძალიან ღრმად ვჯდებით უკან, რის გამოც ვისჯებით კიდეც.

„ჩვენ პირველ ტაიმში ძალიან კარგად ვითამაშეთ, თუმცა მეორე ნახევარში მეტოქემ გვაჯობა, რის გამოც ძალიან ვწუხვარ. ახლა ისღა დაგვრჩენია, სიტუაცია გავაანალიზოთ და შეცდომების გამოსწორებაზე მუშაობა გავაგრძელოთ.“