დელ პიერო:“ საკლუბო მუნდიალი დიდებული სანახაობა იქნება“

იუვენტუსის ლეგენდარულმა ფეხბურთელმა ალესანდრო დელ პიერომ FIFA-სთან 2025 წელს გასამართი მსოფლიო საკლუბო ჩემპიონატის შესახებ ისაუბრა.

„ვფიქრობ, წინ ძალიან კარგი სანახაობა გველოდება. ჩვენ მსოფლიოს საუკეთესო გუნდებს შორის გამორჩეული შეხვედრებისთვის თვალის მიდევნების საშუალება გვექნება.

„ყველა ტურნირს თავისი გამორჩეული აურა და მნიშვნელობა აქვს, მსოფლიო ჩემპიონატს კი მათ შორის განსაკუთრებული ადგილი უკავია.

„იუვე ? მე მათ წარმატებებს ვუსურვებ. გუნდშო ბოლო წლებში მნიშვნელოვანი ცვლილებები მოხდა, შეიცვალა პრეზიდენტი, გუნდის ხელმძღვანელობა, მწვრთნელი და ფეხბურთელები. თითოეულ ცვლილებას ენთუზიაზმთან ერთად დიდი პასუხისმგებლობა მოაქვს, იუვენტუსში მნიშვნელობა მხოლოდ გამარჯვებას აქვს და იქ მუშაობა მარტივი საქმე არ არის.

„მსოფლიო საკლუბო ჩემპიონატზე მონაწილეობა ძალიან დიდი პატივია და ბედნიერი ვარ, რომ იუვენტუსი მონაწილეობას მიიღებს, თუმცა ჯერ რაიმე სახის პროგნოზის გაკეთება ძალიან რთულია.“