ბრემერმა მოედანზე ვარჯიში განაახლა

იუვენტუსის მცველი გლეისონ ბრემერი სარეაბილიტაციო პროცესს აგრძელებს და მისი მოედანზე დაბრუნების დრო დღითი დღე ახლოვდება.

ბრემერმა ჯვარედინი იოგები გასული წლის ოქტომბერში დაიზიანა, რის გამოც მას ოპერაციის გაკეთება მოუწია და ბრაზილიელმა ამ მომენტისთვის 38 შეხვედრა გამოტოვა.

საბედნიეროდ, ბრემერის სარეაბილიტაციო პროცესი პოზიტიურად მიმდინარეობს, ბრაზილიელმა დღეს მოედანზე ვარჯიში განაახლა და მოსალოდნელია, რომ ის მსოფლიო საკლუბო ჩემპიონატისთვის გუნდის განაცხადში დაბრუნდება.