TuttoJuve

იუვენტუსის ქართული ფან-კლუბი

ატალანტა იუვენტუსის წინადადების მიღებას გეგმავს

იტალიელი ჟურნალისტის ნიკ სემერაროს ინფორმაციით, ატალანტა ტეუნ კოპმეიენრსის თაობაზე იუვენტუსის ახალი წინადადების მიღებას გეგმავს.

წყაროს ცნობით, ტურინულმა გრანდმა ლა დეას ნიდერლანდელის სანაცვლოდ 50 მილიონი ევრო შესთავაზა, რასაც მომავალში ბონუსების სახით კიდევ 5 მილიონი დაემატება.

ბერგამოელებს 55 მილიონის გარანტირებულად მიღება სურდათ, შემდგომში ბონუსების დამატების პერსპექტივით, თუმცა ატალანტას კოპმეიენრსის სანაცვლოდ მიღებული თანხით მატ ო’რაილისა და ნიკო გონსალესის გაფორმება სურს, ამიტომ ნიდერლანდელის ტურინში მოკლე დროში გაშვებით თავადაც დაინტერესებულია, ამიტომ იუვენტუსის ახალი წინადადების მიღებას გეგმავს.