არტური ლა ლიგაში დაბრუნებასთან ახლოს არის

იუვენტუსის ნახევარმცველი არტური დიდი ალბათობით უახლოეს დღეებში ლა ლიგაში დაბრუნდება.

Tuttomercato-ს ცნობით, რეალ ბეტისი და ატლეტიკო ბრაზილიელი ფეხბურთელის ტრანსფერზე მუშაობას აგრძელებენ და არტურისგან თანხმობის მიღების შემდეგ, საერთო ენის გამონახვას იუვენტუსთან ცდილობენ.

ტურინული გრანდი მისი იჯარით გაშვების წინააღმდეგი არ არის, თუ დაინტერესებული მხარე სეზონის ბოლომდე ბრაზილიელის ხელფასის სრულად დაფარვას დათანხმდება.