არსენალი მიმდინარე კვირაში ვლაჰოვიჩის თაობაზე მოლაპარაკებებს დაიწყებს
ცნობილი იტალიელი ჟურნალისტის რუდი გალეტის ინფორმაციით, არსენალის ინტერესი დუშან ვლაჰოვიჩის მიმართ სერიოზულია.
მეთოფეები ტრავმირებული გაბრიელ ჟესუსის შემცვლელის ძიებაში არიან და მიკელ არტეტას პრიორიტეტული სამიზნე სწორედ იუვენტუსის სერბი ფორვარდი გახლავთ.
წყაროს ცნობით, არსენალი ფეხბურთელის აგენტთან მოლაპარაკებების დაწყებას უახლოეს პერიოდში გეგმავს და დუშანის გაფორმებას მიმდინარე სატრანსფერო ფანჯრის პერიოდში ეცდება, მაგრამ ბიანკონერი სერბის მარტივად დათმობას არ აპირებს და მინიმუმ 60-65 მილიონ ევროს ითხოვს.
