მარსელი არტურის ტრანსფერზე მუშაობს
იტალიური მედიის ინფორმაციით, მარსელი იუვენტუსის ნახევარმცველის არტურის ტრანსფერზე მუშაობას შეუდგა.
ბრაზილიელი ფეხბურთელი ტურინული გრანდის გეგმებში არ შედის და კრისტიანო ჯუნტოლი მის გაშვებას იანვარში ეცდება.
Tuttosport-ის ცნობით, ფრანგები არტურის 6-თვიანი იჯარით გაფორმებას ეცდებიან, მისი შემდგომში გამოსყიდვის პერსპექტივით, თუმცა მთავარი პრობლემა ფეხბურთელის ხელფასია.
მარსელის გარდა, არტურის მიმართ ინტერესს ბრაზილიური გრემიოც იჩენს.
